თურქეთში მოკლევადიანი ვიზიტით მიმავალ საქართველოს მოქალაქეებს უფლება აქვთ შევიდნენ, ტრანზიტით გაიარონ და დატოვონ თურქეთის რესპუბლიკის ტერიტორია ვიზის გარეშე არაუმეტეს 90 (ოთხმოცდაათი) დღისა, ნებისმიერ 180 (ას ოთხმოც) დღიან პერიოდში. საქართველოს მთავრობასა და თურქეთის რესპუბლიკის მთავრობას შორის ხელმოწერილი შეთანხმების თანახმად, საქართველოს მოქალაქეებს თურქეთის ტერიტორიაზე შესვლა შეუძლიათ საქართველოს მოქალაქის პირადობის ელექტრონული მოწმობით, მხოლოდ პირდაპირი საჰაერო ფრენის და სახმელეთო საზღვრის კვეთის დროს! ყურადღება: თურქეთის რესპუბლიკის შინაგან საქმეთა სამინისტროს განკარგულებით, რომელიც ძალაში შევიდა 2018 წლის 14 თებერვალს, “უცხო ქვეყანაში რეგისტრირებულ ყველა სახის ავტოსატრანსპორტო საშუალებას აეკრძალა და არ მიეცემა საშუალება, საგზაო ადმინისტრაციული ჯარიმის გადაუხდელად დატოვოს ქვეყანა“.